Shqipëria ka hedhur një tjetër hap në rrugën drejt integrimit europian. BE konfirmoi zhvillimit të Konferencës së Tretë Ndërqeveritare me Shqipërinë më 17 dhjetor ndërsa ka miratuar të premten në mbrëmje edhe pozicionin e Përbashkët për grupin 6, i cili përfshin dy kapitujt për Marrëdhëniet e Jashtme dhe politikën e jashtme të sigurisë e të mbrojtjes. “Ambasadorët e vendeve anëtare të BE-së kanë miratuar Pozicionin e Përbashkët të BE-së për grupin 6: Marrëdhëniet e Jashtme, duke hapur rrugën për mbajtjen e konferencës së tretë ndërqeveritare me Shqipërinë më 17 dhjetor. Kjo konferencë, e dyta gjatë presidencës hungareze, pasqyron angazhimin e BE-së për të përshpejtuar procesin e anëtarësimit për vendet kandidate". Konferenca e ardhshme ndërqeveritare është e dyta që zhvillohet gjatë presidencës hungareze, ndërsa më 15 tetor 2024 Shqipëria çeli zyrtarisht negociatat për kapitujt e parë me Bashkimin Evropian. Në njoftimin zyrtar Presidenca e Hungarisë ka njoftuar se është hapur kapitulli “Marrëdhëniet e jashtme”. Presidenca e KE shprehet se duhet që të përshpejtohet procesi i integrimit me vendin tonë.