Kryeministri Edi Rama e bëri të qartë pozicionin e qeverisë shqiptare se nuk ka ndërmend të tërhiqet nga investimi 4 miliard euro në Zvernec. Rama, gjatë një konference shtypi me gazetarë nga vendet e BE-së tha se e gjithë kundërshtia nëpërmjet protestave në Tiranë, po merr këto përmasa për shkak të përfshirjes së familjarëve të Presidentit Trump, vajzës Ivanka dhe dhëndrit Jared Kushneer. Arsyeja përse bota është kaq shumë e ekzaltuër nga kjo, është prej Donald Trumpit. Sepse unë nuk vlesoj që Flamingot e Shqipërisë do të krijonin një zhurmë kaq të jashtëzakonshme, nëse nuk ishte një rast për tu marrë me Donald Trump. Por kjo nuk ka të bëjë me Donald Trump. Jured Kushner dhe Ivanka Trump erdhën këtu në kohë kur nuk ishte e qartë nëse Donald Trump do të shkonte në burg apo të rikthehej në Shtëpinë e Bardhë. Për mua ishin investitor amerikan dhe kërkonin një mundësi investimi në Shqipëri. E dini çfarë? Njëra anë thotë se unë njeri i Sorosit ndërsa sot nga ana tjetër më thonë se jam i Kushnerit. Por unë jam kryeministër i Shqipërisë dhe dua që gjithkush të vijë e të investojë. Shqipëria nuk duhet të kthehet në karburant për përleshjet në SHBA apo në ndonjë vend tjetër. “Ne do t’i zhvillojmë këto zona. Në Zvërnec do të bëjmë diçka të mahnitshme”. Kjo ishte përgjigja e prerë e kryeministrit Edi Rama i cili mëtej deklaroi se “Ka aktorë që po përpiqen ta shfrytëzojnë përmes asaj që quhet depërtim për t’i dhënë energji politikave të tyre dhe këtu Irani u fut menjëherë”. Nënvizoi faktin se “shume informacione të rreme vijnë nga konkurrentë në turizëm. Protestat tha Edi Rama po ndodhin në një mjedis demokratik ndryshe nga ai moment në historinë e Shqipërisë ku kishte protesta me gjak.