Europa dëshmoi një rritje të ndjeshme të migracionit të parregullt për vitin 2023 duke reflektua edhe njëherë sfidat gjeopolitike me të cilat përballlet. Sipas raportit të publikuar nga Agjencia e Ruajtjes së Kufijve, FRONTEX. Mbi 420 000 kalime të parregullta kufitare u regjistruan për vitin që lam pas. Por teksa shifrat tregojnë një rritje, rruga e Ballkanit Perëndimor, ku përfshihet edhe Shqipëria raportoi një rënie prej rreth 31%, të migrimit të parregullt krahasuar me vitin 2022, thuhet në raport, I cili specifikon se emigrantët nga kufijtë serbë u zhvendosën drejt atyre të Bosnjë Hercegovinës që shënoi një rritje të kalimeve me 80% në 11 muajt e parë të 2023. Ndërkohë Shqipëria si pjesë e rrugës Ballkanike të kalimit të migrantëve pësoi një ulje të prurjeve migratore që vijnë kryesisht nga Greqia. Sirianët, turqit dhe afganët, ishin kryesisht emigrantët që dhe për vitit që lamë pas zgjodhën rrugën e Ballkanit Perëndimor për të emigruar drejt vendeve të BE. Sa I takon vitit 2024, FRONTEX nxjerr në pah çështjen e menaxhimit të kufijve pasi prurjet e emigrantëve mund të rriten më shumë dhe kjo gjë do të shtonte dhe krimet ndërkufitare. Rreziqet për vitin 2024, thotë FRONTEX mund të prekin kryesisht rrugët e Mesdheut Qendror dhe Lindor. Pamjet: AFP