Kryeministri i Sllovakisë, Robert Fico e ka fituar betejën e tij me vdekjen dhe jeta e tij nuk është më në rrezik, pas atentatit të disa ditëve më parë. Deklarata u bë këtë të diel nga zëvendëskryeministri i Sllovakisë, Robert Kalinak, i cili iu përgjigj interesimit të mediave se “Fico po mbahet ende nën kujdes intensiv”. Zëvendëskryeministri dha po ashtu detaje të reja nga hetimi mbi autorin e atentatit, poetit amator Jurai Cintula, 71-vjeç. Ky i fundit dyshohet të mos ketë vepruar i vetëm. "Dy orë pas krimit, dikush ka fshirë të gjithë historinë e komunikimit të autorit në Facebook. Nuk është fshirë nga ai, as bashkëshortja e tij nuk e ka bërë këtë”, tha zyrtari i lartë sllovak, duke shtuar se hetimet për atentatin janë intensive. Ndaj kryeministrit sllovak u qëllua pesë herë me armë kundër, ndërsa 4 plumba e kanë prekur në trup, kryesisht në pjesën abdominale pas një takimit qeveritar të zhvilluar në qytezën Handlova. Fico i dërgua në spital me helikopter dhe iu nënshtrua një operacioni për pesë orë të mërkurën, si dhe një operacioni tjetër dyorësh të premten. Fico qëndron në pushtet që prej vjeshtës së kaluar kur partia e tij populiste Smer fitoi zgjedhjet e përgjithshme.