Ajo që duhet të ishte një aventurë ditore për 23 turistë të huaj për pak sa nuk përfundoi në një tragjedi. Grupi i përbërë nga gjermanë, polak e Francez ishte duke eksploruar “Kanionin e Lengericës” në Përmet. Pavarësisht reshjeve të dendura të shiut, ata vendosën të sfidonin motin dhe të vijonin guidën e tyre. Por gjatë eksplorimit të zonës ata u bllokuan të gjithë pasi niveli I lumit Langaricë u rrit me shpejtësi nga intensiteti I lartë I reshjeve të shiut. Në pamundësi për t’u kthyer turistët kërkuan ndihmë. Drejt tyre shkuan menjëherë punonjësit e policisë së Përmetit, ku pas disa orësh kërkimesh rreth zonës mundën t’I gjenin në gjendje të mirë shëndetësore dhe t’I shpëtonin. I gjithë grupi I turistëve gjermanë, polakë dhe francez u dërgua drejt qytetit të Përmetit, ku disa prej tyre morën dhe ndihmë mjekësore. Mosnjohja e zonave nga njëra anë por dhe lëvizja pa gudia turistike, shpesh u ka kushtuar jetën turistëve të huaj që vizitojnë vendin tonë.