Më shumë se 50 njerëz janë vrarë mbrëmë nga shpërthimi i një depozite karburanti në veri të Haitit, njoftuan autoritetet. Raportimet thonin se ngjarja tragjike ndodhi kur automjeti transportues u përfshi në një aksident, dhe viktimat ishin duke mbledhur karburantin që rridhte. Spitalet vendase ishin të mbushura me të plagosur nga shpërthimi. Kryeministri i vendit Ariel Henry tha se i gjithë vendi i Karaibeve është në dhimbje për aksidentin e rëndë dhe shpalli tre ditë zie. Dhjetra njerëz janë plagosur dhe doktorët thanë se numri i viktimave mund të rritet akoma. "Ne nuk kemi kapacitetin për të trajtuar të gjithë njerëzit me djegie të rënda. Kam frikë se nuk do të arrijmë t’i shpëtojmë të gjithë”, tha një infermier për rrjetin AFP. Qeveria njoftoi se po dërgon spitale të impovizuara në vendngjarje, për të ndihmuar të prekurit. Zhvillimi vjen teksa Haiti është në mesin e një krize të rëndë ekonomike e politike e karburantesh.