Ushtari amerikan që shpërtheu një Tesla Cybertruck jashtë hotelit të Trump në Las Vegas përdori inteligjencën artificiale, përfshirë ChatGPT për të planifikuar sulmin. Matthew Livelsberger, ishte 37-vjeçari që shpërtheu makinën përpara hotelit të Trump në Las Vegas, para se të qëllonte veten për vdekje. Policia e Las Vegasit thotë se ka gjetur kërkimet e Livelsberger në ChatGPT para incidentit. Sipas oficerëve, hetimet tregojnë se ai po kërkonte informacion mbi objektivat shpërthyes, shpejtësinë e gjuajtjes së disa lloje plumbash dhe nëse fishekzjarrët ishin të ligjshme në Arizona. Kevin McMahill, kreu i Departamentit të Policisë Metropolitane të Las Vegas-it, e quajti përdorimin e inteligjencës artificiale nga Livelsberger në planifikimin e sulmit një fakt shqetësues. “Ky është incidenti i parë në Amerikë në dijeninë time ku ChatGPT përdoret për të ndihmuar një individ të ndërtojë një pajisje të veçantë. Është një diçka mjaft shqetësuese”, tha ai. Zyrtarët thanë javën e kaluar se Livelsberger la shënime në të cilat ai e cilësoi shpërthimin si një akt që shpresonte se do të ishte një “thirrje zgjimi” për një komb që ai tha se ishte “i sëmurë dhe po shkon drejt kolapsit”.