Personi i cili drejtonte makinën e Teslës tip Cyberstruck që shpërtheu përpara hotelit Trump në Las Vegas ishte një ushtar aktiv i forcave speciale amerikane. Sipas zyrtarëve, ai kishte qëlluar veten me plumb në kokë përpara shpërthimit. Policia e Las Vegas e identifikoi si Mattheë Alan Livelsberger, 37 vjeç, nga Kolorado Springs shoferin e automjetit, të cilin e mori me qira më shumë se 800 milje larg dhe e çoi në hotelin e Nevadës në mëngjesin e shpërthimit. Shkaku i vdekjes së Livelsberger ishte vetëvrasja nga një plagë e vetëshkaktuar me armë zjarri, sipas zyrës së mjekëve të kontesë Clark. Shtatë persona u plagosën kur automjeti - i mbushur me bombola karburanti dhe mortaja fishekzjarre - shpërtheu në ditën e Vitit të Ri. Zyrtarët thanë se të gjitha plagët etyre ishin të lehta. Livelsberger shërbente në Beretat e Gjelbërta, forcat elitë të specializuara për të luftuar terrorizmin jashtë vendit dhe për të trajnuar forcat partnere, tha në një deklaratë ushtria amerikane. Ai shërbente në ushtri që nga viti 2006, me një karrierë të gjatë, përfshirë dy ture në Afganistan dhe shërbime në Ukrainë, Taxhikistan, Gjeorgji dhe Kongo, tha ushtria amerikane.Ai është vlerësuar me dy yje bronzi, përfshirë një për trimëri për guxim nën zjarr, një distinktiv të këmbësorisë luftarake dhe një medalje për trimëri. Livelsberger ishte me leje kur vdiq, sipas deklaratës.Shpërthimi i kamionit, i mbushur me fishekzjarre dhe bombola karburanti, ndodhi disa orë pasi 42-vjeçari Shamsud-Din Bahar Jabbar përplasi një kamion në një turmë në një lagje të famshme të Nju Orlinsit në ditën e Vitit të Ri, duke vrarë të paktën 15 persona përpara se të qëllohej për vdekje nga policia.