Autoritetet amerikane të shëndetësisë po e trajtojnë me seriozitet shpërthimin e hantavirusit, ndaj të cilit Qendrat Amerikane për Kontrollin dhe Parandalimin e Sëmundjeve (CDC) shpallën një reagim emergjent të Nivelit 3. Edhe pse zyrtarët në SHBA theksojnë se rreziku për publikun mbetet i ulët, situata po monitorohet nga afër nga agjencitë shëndetësore amerikane dhe ato ndërkombëtare. Sipas raportit, aktivizimi i Qendrës së Operacioneve të Emergjencës nënkupton ngritjen e një ekipi të posaçëm për koordinimin dhe mbështetjen e kundërpërgjigjes ndaj përhapjes së sëmundjes. Autoritetet globale të shëndetit janë angazhuar sakaq për frenimin e përhapjes së virusit bordin e anijes turistike MV Hondius. Shpërthimi lidhet me llojin e hantavirusit të Andeve dhe deri tani ka shkaktuar pesë raste të konfirmuara, tre të dyshuara dhe tre viktima mes pasagjerëve të lidhur me këtë udhëtim, sipas Organizatës Botërore të Shëndetësisë. Anija MV Hondius, me rreth 150 pasagjerë dhe anëtarë ekuipazhi nga 23 shtete, ishte nisur nga Argjentina dhe kishte kaluar Oqeanin Atlantik, para se të raportohej shfaqja e rasteve të para të sëmundjes gjatë lundrimit pranë Kepit të Gjelbër.