Sulmet në Iran ku humbën jetën të paktën 84 persona dhe u plagosën rreth 280 të tjerë janë marrë përsipër nga Shteti Islamik. Në një deklaratë në Telegram, grupi militant pranoi autorësinë e ngjarjes së ndodhur gjatë përvjetorit të ish-komandantit iranian, Qasem Soleimanit që u vra nga ushtria e shteteve të bashkuara të Amerikës para disa viteve. Shteti islamik tha se dy anëtarë nga radhët e tij veshën jelekë me eksploziv dhe I aktivizuan gjatë tubimit. Shpërthimet e të mërkurës nxitën frikën e një përshkallëzimi të luftës në lindjen e mesme, pasi Irani hodhi akuza në drejtim të Izraelit dhe shteteve të Bashkuara për ngjarjen. Akuza që u hodhën poshtë nga Uashingtoni dhe Tel Avivi zyrtar. Ndërkohë presidenti I Iranit u zotua se autorët do të identifikohen dhe se do të ndëshkohen nga forcat e sigurisë dhe rendit. Pas shpërthimeve, Irani e shpalli datën 4 janar ditë zie kombëtare për viktimat.