Shpërthime të fuqishme pati pranë disa spitaleve në veri të gazës. Sipas bbc, një raketë goditi spitalin e Al-Shifa. Si pasojë raportohet se u vranë 13 persona, por shifra ende nuk është konfirmuar zyrtarisht. Pamjet e shpërndara në rrjetet sociale tregojnë një tank që shfaqet duke gjuajtur spitalin e fëmijëve Al-Rantisi, ndërsa brenda tij kishte ende civilë. Për gjendjen reagoi dhe komiteti ndërkombëtar I kryqit të kuq, duke kërkuar që të ndalen sulmet mbi spitalet dhe veçanërisht atyre ku ka fëmijë. Ndërkohë ushtria izraelite nga ana tjetër mohoi kategorikisht se po qëllon qendrat spitalore ndërsa theksoi se raketat mund të jenë lëshuar nga Hamasi. Zyrtarët izraelitë pranuan që ushtria po vepron pranë zonës Al-Shofa por jo autorësinë e bombardimeve. Zëdhënësi i forcave të mbrojtjes, Daniel Haagari pohoi se nuk do të ketë tërheqje deri sa të lirohen të gjhitha pengjet që mbahen nga Hamasi. Ministria e Shëndetësisë në Gazën e udhëhequr nga Hamasi – organizatë e shpallur terroriste nga Shtetet e Bashkuara dhe Bashkimi Evropian –njoftoi të premten se numri i palestinezëve të vrarë ka kaluar shifrën prej 11.000. Ndërkohë Izraeli reduktoi numrin e viktimave. Sipas ministrisë së Jashtme në total në sulmin e 7 tetorit u vranë rreth 1200 izraelitë dhe jo 1400 sa u raportua. Kjo pasi pjesa tjetër e trupave të pajetë gjatë identifikimeve rezultoi se ishin nga radhët e terroristëve. Pamjet: AFP