Të paktën një person ka vdekur pas shpërthimit në një pikë karburanti në Bukuresht të Rumanisë mbrëmjen e së shtunës. Për shkak të zjarrit të madh, zyrtarët kanë zbatuar protokollin emergjent dhe u kanë bërë thirrje banorëve që të qëndrojnë larg zonës. Tetë persona kanë pësuar lëndime nga zjarri dhe janë dërguar në spital për trajtim mjekësor. Ministri rumun i Shëndetësisë, Alexandru Rafila, konfirmoi se një person ka vdekur dhe 46 vetë janë lënduar. Si pasojë e shpërthimit, autoritetet kanë evakuuar banorët që jetojnë në shtëpitë private pranë pikës së karburanteve. Kryetari i bashkisë së Bukureshtit, Peter Florentin, tha për transmetuesin Digi24 se edhe një shtëpi private ishte përfshirë nga zjarri.