Një automjet shpërtheu në kufirin mes SHBA dhe Kanadasë. Ngjarja ndodhi në pjesën e territorit amerikan në urën Rainbow pranë Ujvarës së Niagarës, duke detyruar autoritetet që të mbyllin këtë pikëkalimi. Sipas associated press, nga shpërthimi dy persona humbën jetën. Ata u gjetën të vdekur brenda makinës. Tre ura të tjera që lidhin SHBA-në dhe Kanadanë u mbyllën pas kësaj ngjarjeje, si masë parandaluese. Ndërkohë FBI nisi hetimet. Shkaku i incidentit ende nuk është i qartë, por guvernatorja e Nju Jorkut Kathy Hochul tha se po monitorohen të gjitha pikat kufitare ndërsa nuk përjashtoi as mundësinë e një sulmi terrorist. Edhe autoritetet kanadeze e cilësuan rastin si tejet të rëndë. Kryeministri kanadez, Justin Trudeau u largua nga parlamenti për të monitoruar më nga afër shpërthimin. Sipas dëshmitarëve makina doli nga parkimi dhe më pas u nis drejt urës. Por rrugës mjeti shtoi shpejtësinë dhe më pas u përplas me një pengesë dhe shpërtheu. Ndërkohë autoritetet ende e kanë të paqartë nëse shpërthimi ishte rezultat I ndonjë pajisjeje me telekomandë apo jo. Pamjet: AFP