Dy persona humbën jetën në autostradën A1 mes Piacenzas dhe Fiorenzuolas në Itali, në një aksident ku u përfshinë një makinë e vogël, një kamion dhe një autocisternë. Autostrada u mbyll në të dy drejtimet për të lejuar mbërritjen sa më parë të ambulancave dhe të garantuar sigurinë e zonës. Viktimat ishin shoferi i kamionit dhe ai i autocisternës, dy mjete të përfshira në përplasjen e dhunshme zinxhir me një veturë, në bordin e së cilës ishin dy gra gjermane. Gratë arritën të largoheshin në kohë nga mjeti përpara se të përfshihej nga flakët. Zjarrfikësit që mbërritën me urgjencë në vendngjarje, nuk arritën sidoqoftë të shpëtonin dot dy shoferët. Për personat që mbetën të bllokuar në zonë, ekipet e ndihmës nisën të shpërndanin shishe uji, duke qenë se temperaturat e larta e kanë bërë edhe më të vështirë qëndrimine tyre në një vend.