Dhjetëra mijëra njerëz janë ngritur në protesta kundër qeverisë në Spanjë. Protestuesit kërkojnë zgjedhje të parakohshme të përgjithshme, në një kohë kur kryeministri socialist i vendit, Pedro Sanchez, po përballet me një sërë akuzash për korrupsion, që përfshijnë familjen, partinë dhe administratën e tij. Protesta e thirrur nga Partia Popullore Konservatore e Spanjës, nën sloganin “Ja ku është: Mafia apo demokracia”, u zhvillua tri ditë pasi një nga aleatët më të ngushtë të Sanchez, ish-ministri i Transportit, u la në paraburgim nga një gjyqtar që hetonte një skemë të dyshuar ryshfeti për komtratat. Autoritetet vlerësuan se në protestën e të dielës në Madrid morën pjesë 80 mijë persona, të cilët kërkojnë rrëzimin e qeverisë, duke e etiketuar si të kalbur. Pedro Sánchez, i cili erdhi në pushtet në vitin 2018 dhe u rikonfirmua në 2023-shin me shumicë votash, është zotuar të vazhdojë pavarësisht përhapjes së akuzave për korrupsion në lidhje me rrethin e tij dhe një mori goditjesh gjyqësore të kohëve të fundit. Ai i ka hedhur poshtë akuzat, si shpifje të motivuara politikisht.