Zemërimi i qytetarëve në shoqërinë tonë po përkthehet në sjellje ekstreme. Këtë fatkeqëisht po e tregojnë ngjarjet e ndodhura jo më larg se një ditë më parë, ku brenda ditës pati tre viktima, si pasojë e konflikteve momentale. Këto veprime rikthejnë vëmendjen tek shëndeti mendor, ndaj psikologia Eksena Qirici shpjegon rëndësinë e e krijimit të mardhënieve të shëndetshme ne jetën e përditshme dhe kujdesit që duhet të kemi ndaj njëri-tjetrit. “Cfarë do të thotë të vrasësh brenda një dite në ambiente të ndryshme, ne familje, në ambientin e punës, në turizëm, në një lokal ku ti mendon se je në një situatë të qetë? Do të thotë që aspekti psikologjik, ngarkesa psikologjike, ngarkesat emocionale, kanë arritur në sistemin e mbijetesës. Po të dëgjojmë dhe të analizojmë me kujdes se cfarë autorët përmendim në arsyet e tyre të vrasjeve shihet që ka bullizëm, ka tallje, ka ofendim, ka dhunë dhe për më tepër është e vazhdueshme, është e hershme. Nëse ne në shoqëri, mardhënie pune, në familje, trajtojmë me dhunë psikologjike cdo lloj mardhënie, automatikisht kjo do të na sjellë në këto sjellje ekstreme”. Psikologia e sheh si një emergjencë nevojën e shoqërisë sonë për tu kujdesur për shëndetin mendor, që rrjedhimisht do të ndihmojë në menaxhimin më të mirë të situatave njerëzore. “Në të njëjtën mënyrë dhe kushte që ne shkojm tek mjeku e njëjta nevojë është për shëndetin e mëndjes sepse mëndja është struktura kryesore me të cilen njeriu vepron në jetën e përditshme, nëse ti nuk kujdesesh për të, automatikisht ajo do të japi këto pasoja por edhe më të rënda nëse mbetemi në frikën që të shkosh te psikologu ka të bëjë thjesht me cmendurinë dhe paaftësinë, se sa me një mirëmbajtje të mënyrës se si ti funksionon në jetën e përditshme”. Sakaq sociologia Eris Dhamo, është e mendimit se shoqeria jone ka ndryshuar nga përqëndrimi tek vlerat dhe morali drejt një shoqërie me norma të shtuara individualizmi.