Agjencia e Mbikëqyrjes Policore Rajoni i Elbasanit dhe Korçës, pas hetimeve disa mujore, ka zbatuar urdhërin e Prokurorisë për ekzekutimin e vendimit të Gjykatës së Shkallës së Parë Korçë, e cila vendosi “Pezullimin e ushtrimit të një funksioni apo shërbimi publik” ndaj 19 punonjësve të policies. Të pezulluarit për shpërdorim detyre, vjedhje dhe falsifikim dokumentash në komisariatin e Korçës janë: -Asistenti drejtorit të Departamentit për Kufirin dhe Migracionin, 45-vjeçari Behar Tafa. -sh-Drejtori i DVKM Korçë, aktualisht me detyrë Asistent i Drejtorit të Departamentit të Policisë Kriminale, 63-vjeçari Arben Joco. Kryekomisarët e pezulluar janë Andon Marko dhe Shpëtim Ahmetaj. Eranda Murataj 54 vjeçe, me detyrë Specialiste në Sektorin e Financës dhe Shërbimeve Mbështetëse, në Departamentin për Kufirin dhe Migracionin, është po ashtu e pzulluar. Nënkomisarët e pezulluar janë Denis Agolli, 35 vjeç, Andi Ibro, 32 vjeç, shtetasi me iniciale M. A., 27 vjeç. Inspektorët e pezulluar janë Edi Spaho, Sandril Hyska, Endri Duro, Markeljan Murati, Adi Bregu, Denjon Myteberi, Edison Mielli, Gerdi Haxhija, Ledion Xhafi, Fisnik Mahmutllari. E fundit është inspektorja Ana Ismaili (Debrova), 32 vjeçe. Vendimi i Gjykatës ka ardhur në kuadër të procedimit penal referuar nga AMP-ja, ku nga hetimet disa mujore të kryera në drejtimin e Prokurorisë pranë Gjykatës të Jurdiksionit të Përgjithshëm Korçë, ka rezultuar se këta punonjës policie, nga nivelet e larta drejtuese dhe deri në nivelin zbatues, me veprime të kundraligjshme, nëpërmjet faturave fiktive dhe të falsifikuara, të paraqitura në kohë të ndryshme gjatë ushtrimit të detyrës së tyre në misionin FRONTEX, kanë përfituar shuma të paligjshme në euro.