Disa shkolla të mesme në Danimarkë kanë bllokuar disa faqe interneti për nxënësit, me shpresën se do të fokusohen më shumë në shkollë. Mësuesit kanë ngritur alarmin se numri i nxënësve të varur tashmë prej telefonit dhe rrjeteve sociale sa vjen e rritet. Uebsajtet e bllokuara përfshijnë rrjetet sociale, faqet e blerjeve, ato që transmetojnë lojëra dhe video-lojërat. Megjithatë, kritikët i konsiderojnë këto nisma të ashpra dhe të padobishme. Ata theksojnë se nxënësit do të gjejnë mënyrë për t'i kapërcyer këto bllokime. Disa shkolla u përpoqën ta zbatonin këtë sistem edhe në të kaluarën, por nuk ia dolën plotësisht, sepse vetë nxënësit e pranuan se arritën prapëseprapë gjenin rrugën për të hyrë në këto faqe. Rekomandimet për këto lëvizje erdhën drejtpërdrejt nga Ministria Daneze për Fëmijët dhe Arsimin si dhe bazohen në projektin e shkollës së mesme “Nills Brok” në Kopenhagen, ku rrjetet sociale janë bllokuar për më shumë se një vit.