Kryebashkiaku i Rio de Janeiro, Eduardo Paes merrte pjesë sot në përgatitjet e kërcimtarëve të sambas për karnivalin e prapambetur që do të organizohet në prill. Ai mirëpriti përfaqësuesit e 12 shkollave të sambas në kryeqytetin brazilian duke inkurajuar celebrimet madhore pas shtyrjes prej pandemisë. "Karnivali i Rios do të zhvillohet më 21 prill dhe megjithse situata është shumë më mirë, shpresoj që të gjithë të respektojnë rregullat që të kemi një festë të mrekullueshme”, tha Paes. “Sambadromi ynë do të ishte gati për t’u hapur sot por gjithsesi do të kemi një festë të mrekullueshme që do të jetë shfaqja më e madhe në tokë", shtoi ai. Sambadromi është vend-parada kryesore e karnivalit, me dy podiumet anësore të spektatorëve që e bëjnë të duket si një stadium i posaçëm festimesh. Para ndërtimit të tij shkollat më të mira të sambas në Brazil kërcenin në spektaklet shumëngjyrëshe në rrugët e Rios. Por organizatorët vendosën të bënin ndryshimin për të akomoduar turistët e shumtë të tashme hyjnë me bileta, duke shtuar të ardhurat për qytetin.