Një grup qytetarësh protestuan këtë të diel në qendër të Shkodrës, duke shprehur kundërshtimin për krijimin e një konsullate serbe në qytet. Protestuesit marshuan në rrugët e Shkodrës me pankarta dhe flamuj kombëtarë, ndërsa gjatë fjalimeve deklaruan se hapja e një konsullate serbe në Shkodër është e papranueshme. Sipas tyre, qyteti nuk ka asnjë lidhje historike, ekonomike apo diplomatike që të justifikojë praninë e një konsullate serbe. Ata argumentuan gjithashtu se kjo është e papranueshme edhe për shkak të krimeve të kryera nga forcat serbe gjatë luftës në Kosovë, duke theksuar se mijëra shqiptarë u vranë dhe u masakruan gjatë konfliktit. Më herët në një intervistë për top Channel, ministri i punëve të jashtme ferit Hoxha tha se hapja e konsullatës serbe në Shkodër nuk rrezikon sovranitetin e Shqipërisë. Pa u tërhequr nga kjo iniciativë diplomatike. Ai thotë se asnjë shtet nuk do të lejonte një prani diplomatike që cënon e kërcënon interesat e vendit.