Sekretari i Përgjithshëm i NATO-s, Jens Stoltenberg pohoi se ka diskutuar menjëherë me presidentin e Polonisë mbi lajmet se një raketë ruse hyri në hapësirën ajrore polake një ditë më parë, gjatë mësymjeve të një ditye më parë nga forcat ruse në Ukrainë. Stoltenberg pohoi tha se u konsultua me Presidentin Andrzej Duda për "incidentin” dhe sqaroi përmes një postimi në platformën X, dikur Tëitter, se NATO "po monitoron situatën dhe ne do të qëndrojmë në kontakt pasi të vërtetohen faktet". Forcat e mbrojtjes së Polonisë njoftuan se një objekt i panjohur hyri në hapësirën ajrore të vendit të premten në mëngjes nga drejtimi i Ukrainës dhe pastaj u zhduk nga radarët. Sipas tyre, të gjitha shenjat tregojnë se bëhet fjalë për një raketë ruse. “ E kemi vëzhguar në radarë dhe pastaj u largua nga hapësira ajrore. E kemi të konfirmuar në radarë dhe nga aleatët” e NATO-s, tha Shefi i mbrojtjes së Polonisë, Gjenerali Ëieslaë Kukula. Objekti duket ka hyrë rreth 40 kilometra në hapësirën ajrore polake dhe u largua pas më pak se tre minutash. Kukula tha se po merren hapa për të verifikuar gjetjet dhe për të eliminuar mundësinë e një gabimi teknik. Zyrtarët rusë ende nuk i kanë komentuar këto zhvillime. Ende nuk është e qartë se ku u zhduk objekti nga radari ose në çfarë drejtimi po shkonte. Trupat ushtarake janë mobilizuar për ta identifikuar dhe gjetur. Për momentin nuk ka raporte për ndonjë shpërthim apo të lënduar.