Një kartel droge që besohet se kontrollonte deri në një të tretën e tregtisë së kokainës në Evropë u shkatërruar pas një operacioni të gjerë në 6 vende, me 30 ton drogë të sekuestruara, tha Europol të hënën. Agjencia evropiane e policisë ka arrestuar gjithsej 49 të dyshuar nga bastisjet në Belgjikë, Francë, Holandë, Spanjë dhe Emiratet e Bashkuara Arabe me ndihmën e Agjencisë Amerikane të Zbatimit të Drogës, DEA. Operacioni, i quajtur "Drita e Shkretëtirës", ishte planifikuar për një periudhë prej dy vitesh, duke ndihmuar autoritetet të fitonin njohuri mbi atë që u përshkrua si një "rrjet kriminal i përfshirë në trafikun në shkallë të gjerë të drogës dhe pastrimin e parave". "Shkalla e importit të kokainës në Evropë nën kontrollin dhe komandën e të dyshuarve ishte masive," tha Europol në një deklaratë, duke shtuar se "nuk ka asnjë strehë të sigurt për bosët e drogës".