1,850 ton fildish u shtypë dhe më pas u dogj të martën në Reims; dy të tretat e të cilave ishin objekte të dhuruara vullnetarisht nga rreth 90 individë, ndërsa pjesa tjetër vinte nga konfiskimet, raporton AFP. Ky fildish, vëllimi i të cilit korrespondon me tufat e rreth 180 elefantëve, e bën këtë operacion, të bashkë-organizuar me Zyrën Franceze të Biodiversitetit, shkatërrimin më të madh të kryer ndonjëherë me iniciativën e një OJQ-je, me seli në Reims të Francës. Operacione të mëparshme të këtij lloji janë zhvilluar në vitin 2015 dy prej të cilave në Reim dhe një në Nicë. Synimi I këtyre aksioneve është që "të tregohet simbolikisht se fildishi ka vlerë vetëm për elefantët", nënvizoi drejtori i Ifaë France, David Germain-Robin. "Sot, ka më pak se 500,000 elefantë të mbetur në Afrikë dhe Azi së bashku, ose më pak se 1% e popullatave fillestare", një rënie kryesisht për shkak të gjuetisë” thotë ai. Fondi nisi fushatën "Unë jap fildishin tim" në 2015. Në Francë, fildishi i elefantit në përgjithësi nuk mund të shitet legalisht. Tregtia e paligjshme e kafshëve të egra gjeneron deri në 23 miliardë dollarë qarkullim në vit, duke e bërë atë një nga aktivitetet më fitimprurëse në botë, vetëm pas trafikut të drogës, falsifikimit dhe trafikimit të qenieve njerëzore, sipas Bashkimit Ndërkombëtar për Ruajtjen e Natyrës. Pamjet: AFP