Një konflikt i çastit ka bërë që në Vlorë, në lagjen Cole të përdoren armët e ftohta brenda familjes. Dy persona të plagosur me thika janë dërguar me urgjencë në spitalin e Vlorës, me plagë të rënda. Ata janë gjetur në trotuar nga kalimtarët e rastit dhe janë dërguar me urgjencë në spital. Policia bën me dije se dyshohet se pas një konflikti të çastit për motive të dobëta, shtetasi R. K., ka plagosur me mjet prerës thikë, vjehrrin dhe kunatin e tij, shtetasit Xh. B., rreth 60 vjeç dhe A. B., rreth 30 vjeç, të cilët ndodhen në spital, nën kujdesin e mjekëve.