Një debat verbal mes dy personave ka përfunduar në një përplasje të dhunshme fizike, e cila ka shkaktuar panik pranë liqenit artificial të Tiranës. Ngjarja ka ndodhur pasditen e së mërkurës në një lokal të zonës, ku situata ka dalë jashtë kontrollit, duke përfshirë më pas edhe pesë persona të tjerë në konflikt. Sipas burimeve nga vendngjarja, përplasja ka precipituar deri në përdorimin e armëve të zjarrit. Dëshmitarë raportojnë se janë dëgjuar të shtëna armësh, por mësohet se ato janë kryer në ajër. Ndërkohë, një person ka mbetur i plagosur, pasi është goditur disa herë me qytën e pistoletës nga një prej pjesëmarrësve në sherr. I lënduari është transportuar menjëherë në spital, ndërsa policia ka mbërritur në vendngjarje dhe ka nisur hetimet për të zbardhur rrethanat e sakta të ngjarjes, ndërsa nuk janë bërë publike identiteti i personave të përfshirë.