Gjatë një seance dëgjimore në Kongresin Amerikan, Drejtoresha e Shërbimit Sekret Kimberly Cheatle pranoi se kanë dështuar me sigurinë më 13 korrik kur iu bë atentat kandidatit për president të republikanëve, Donëlld Tramp. Cheatle, madje e cilësoi ngjarjen si “dështimin më i madh operacional” agjencisë në dekada, pasi nuk u përmbush misioni për të parandaluar atentatin. Ndërsa ajo mori përgjegjësinë e plotë për gabimet e Sigurisë së Shërbimit Sekret ditën e sulmit ndaj Trump, po shtohen thirrjet që të japë dorëheqjen. kryetari i komitetit republikan James Comer u shpreh se "Misioni mbrojtës i Shërbimit Sekret është të mbrojë liderët e SHBA-së dhe zgjedhjet amerikane përmes mbrojtjes së kandidatëve dhe të nominuarve," duke shtuar se agjencia "tashmë është bërë fytyra e paaftësisë". Zonja Cheatle nuk pranoi të dorëhiqej, por të përmirësohej “Do bëjmë çdo përpjekje për t'u siguruar që gabime të tilla të sigurisë të mos ndodhë më kurrë”. Në tubimin e Pensilvanisë Donëlld Trump u plagos në vesh me një plumb pushke nga 20-vjecari Tomas methju Kruks, i cili u vra menjëherë nga shërbimi sekret. Pas ngjarjes Shërbimi Sekret e ka pranuar se ka mohuar disa kërkesa nga fushata e Trumpit për shtimin e sigurisë në ngjarjet që ai ka marrë pjesë vite para atentatit.