Sita e kontrolleve financiare që Elon Musk po kryen mbi institucionet e administratës amerikane për llogari të presidentit Donald Trump, këtë radhë në focus ka Pentagonin. Trump tha se pret që njeriu i besuar i tij të gjejë në departamentin e mbrojtjes shpenzime të panevojshme prej miliarda dollarësh dhe abuzime, në kuadër të një kontrolli financiar që do të drejtohet nga sipërmarrësi amerikan. "Do t'i them së shpejti, ai do të shkojë të kontrollojë Departamentin e Arsimit e më pas, pas do kemi në vëmendje ushtrinë. Të shkojmë në ushtri, t’i bëjmë një kontroll financiar ushtrisë", deklaroi shefi i Shtëpisë së Bardhë për gazetarin Brett Baier të rrjetit Fox Neës. "Ne do të gjejmë miliarda, qindra miliona dollarë shpenzime të panevojshme dhe abuzime", theksoi ai duke iu referuar në këtë mënyrë departamentit më të madh federal në SHBA. Pentagoni ka një buxhet prej afro 1 trilion dollarësh në vit. Në dhjetor, presidenti i atëhershëm Joe Biden nënshkroi një projektligj që autorizonte 895 miliardë dollarë shpenzime për mbrojtjen për vitin fiskal që përfundon më 30 shtator. Musk, për të cilin Shtëpia e Bardhë thotë se është një punonjës i posaçëm i qeverisë, është ngarkuar nga Trump për të drejtuar një përpjekje për të tkurrur personelin federal të Shteteve të Bashkuara. Si pjesë e kësaj nisme, ndihmësit e tij kanë kërkuar qasje në informacione konfidenciale në sistemet kompjuterike në agjenci të ndryshme qeveritare. Kritikët thonë se përpjekjet ka të ngjarë të jenë në kundërshtim me ligjin, rrezikojnë ekspozimin e informacionit të klasifikuar dhe në praktikë po shpërbëjnë agjenci të tëra pa miratimin e Kongresit. Këshilltari i Sigurisë Kombëtare, Mike Ëaltz, sakaq nënvizoi se proceset e ndërtimit të anijeve të Pentagonit mund të ishin me interes të veçantë për Departamentin e Efikasitetit të Qeverisë, pasi atje gjithcka ka kushtuar vecanërisht shumë.