Dhoma e Përfaqësuesve e Kongresit amerikan miratoi një projekt-ligj historik që mund të ndalojë TikTok në Shtetet e Bashkuara të Amerikës. Sipas kësaj nisme ligjore aplikacioni i njohur TikTok mund të përdoret vetëm nëse shkëputet nga kompania kineze ByteDance që e ka në pronësi. Projektligji kaloi me shumicë dërrmuese votash dhe tashmë është radha e Senatit për ta aprovuar dhe më pas e presidentit amerikan Joe Biden për ta firmosur para se të konkretizohet e të bëhet ligj. Ligjvënësit kanë ngritur prej kohësh shqetësime për ndikimin e Kinës mbi TikTok dhe përdorimin e të dhënave personale. Ky shqetësim i ka bazat tek një sërë ligjesh të sigurisë kombëtare kineze, sipas së cilave kompanitë janë të detyruara të ndihmojnë në mbledhjen e informacionit të zbulimit. Vetë kompania TikTok përmes një deklaratë pak ditë më parë e quajti projektligjin si një iniciativë për të ndaluar përdorimin e aplikacionit në SHBA. Edhe pse TikTok është përpjekur që të siguriojë rregullatorët se privatësia e 150 milionë përdoruesve amerikanë është e sigurt, ky pretendim u lëkund nga një hetim I kyer nga Ëall Street Journal që kosntatoi se këto të dhëna nuk ishin dhe aq të sigurta. Vendimi I kongresit u prit me protesta, pasi shumë qytetarë amerikan e përdorin këtë aplikacion si një mjet pune përmes të cilit arkëtojnë të ardhura. Pamjet: AFP