Rreth 4,600 trupa ushtarake të SHBA dhe aleatëve po stërviten në fushat e Krivolak të Maqedonisë së Veriut, në një kohë sanksionesh dhe antagonizmi ndaj sulmit të Rusisë në Ukrainë. Stërvitja ‘Reagim i shpejtë 22’ përfshinte trupa nga SHBA, Britania, Franca, Italia dhe vendeve të tjera të aleancës. Manovra të ngjashme NATO është duke zhvilluar në disa vende të tjera evropiane këtë muaj. Manovrat maqedonase përfshinin lëshime me parashutë, sulme me zbritje nga helikopteri dhe paratrupa franceze e italiane që sulmonin nën komandën e trupave britanike. Një stërvitje e ngjashme po zhvillohet në kufijtë e Estoni-Letonisë ku janë zhvendosur rreth 18,000 trupa të NATOs, sipas raportimeve. Në 10 ditët e fundit në manovrat e Maqedonisë së Veriut kanë marrë pjesë ushtarë nga Franca, Shqipëria, Greqia, Italia, Maqedonia, Mali i Zi, Britania e SHBA.