Senatoret republikane bllokuan përpjekjen e demokratëve në Kongresin amerikan për të ndryshuar ligjin e zgjedhjeve dhe mënyrës së votimit, i konsideruar një prioritet i partisë së presidentit amerikan Joe Biden. Projektligji, i njohur si Akti Për Njerëzit, do të prekte pothuajse çdo aspekt të mënyrës se si zhvillohen zgjedhjet, si heqjen e pengesave të votimit që aktivisitët e shohin si një përpjekje të ngjashme me atë të kohës së Luftës për të Drejtat Civile, kufizimin e ndikimit të parave në politikë dhe kufizimin e ndikimit partiak mbi procesin e përcaktimit të kufijve të zonave me përfaqësim në Kongres, thotë VOA. Por shumë republikanë shprehen se masa përfaqëson një shkelje të gjërë nga qeveria federale të autoritetit të shteteve për të organizuar zgjedhjet e tyre pa mashtrime, dhe një përpjekje që përfundimisht synon të favorizojë demokratët. Projektligji dështoi në një votim 50-50 pasi republikanët, disa prej të cilëve e quajtën atë "Akti i Vjedhjes", duke u mohuar demokratëve 60 votat e nevojshme për të filluar debatin mbi të. seancën e votimit në senat e drejtoi zv/presidentja Kamala Harris, gruaja e parë e afrikano-amerikane në këtë post. Nëse do të miratohej, legjislacioni do të mundësonte 15 ditë të votimit të hershëm, do ta kthente ditën e zgjedhjeve në ditë pushimi dhe do të garantonte regjistrim automatik. Harris u shpreh se lufta ende nuk ka mbaruar, por republikanët nuk japin asnjë shenjë dorëzimi.