Një rrebesh sulmesh të Shteteve të Bashkuara shënjestruan objekte ushtarake iraniane si kundërpërgjigje ndaj rrëzimit të një helikopteri amerikan në Gjirin Persik. Sipas Komandës Qendrore të Ushtrisë Amerikane (Centcom), objektivat përfshinin sisteme të mbrojtjes ajrore, stacione të kontrollit tokësor dhe radarë pranë Ngushticës së Hormuzit. Donald Trump më herët pohoi rrëzimin e helikopterit Apache mbi Ngushticën e Hormuzit, dhe ndonëse nënvizoi se dy pilotët nuk janë lënduar, SHBA-ja, theksoi ai, duhet, me patjetër t’i përgjigjet këtij sulmi. Por ndërsa Ëashington ii përshkroi sulmet amerikane si “reagim proporcional” ndaj rrëzimit të helikopterit, Trupat e Gardës Revolucionare Islamike të Iranit i cilësuan ato si “barbare”. Në kundërpërgjigje, ushtria iranian njoftoi se ka goditur 21 objektiva në bazat amerikane në rajon, përfshirë një në Bahrein dhe një tjetër në Jordani, ndërsa ushtria e Kuvajtit tha se kishte interceptuar gjithashtu një sulm.