Shkëmbim zjarri mes e SHBA-së dhe Iranit vazhdoi edhe përgjatë orëve të vona të së dielës. Uashingtonin që tha se po ndëshkonte Teheranin për vdekjen e dy ushtarakëve amerikanë në Jordani dhe shtetet e Gjirit duke njoftuar përgjigje ndaj sulmeve iraniane. Agjencia mbikëqyrëse bërthamore e OKB-së bëri thirrje për përmbajtje pasi autoritetet iraniane thanë se Shtetet e Bashkuara kishin sulmuar një central bërthamor në ndërtim e sipër në jugperëndim të vendit, në Darkhovin. Kreu i (Agjencia mbikëqyrëse bërthamore) IAEA-së, Rafael Grossi, tha në një deklaratë se asnjë material bërthamor nuk ishte ruajtur në vend dhe incidenti "nuk besohet të paraqesë ndonjë rrezik radiologjik". Megjithatë ministri i mbrojtjes i Izraelit tha se vendi i tij do t'i përgjigjej fuqishëm çdo sulmi nga Irani, ndërsa forcat izraelite dhe jordaneze deklaruan se interceptuan një raketë iraniane të lëshuar drejt qytetit jordanez të Akabës. "Nëse Irani qëllon me raketa Izraelin, ne do ta sulmojmë me forcë të plotë", tha Israel Katz. Ministri i Mbrojtjes së izraelit. Ushtria jordaneze tha se kishte rrëzuar "tre raketa iraniane që synonin territorin e mbretërisë", pa specifikuar se ku. Kuvajti tha se Irani goditi një central elektrik dhe uji, duke shkaktuar një zjarr, ndërsa Bahreini akuzoi gjithashtu Teheranin për shënjestrimin e infrastrukturës civile. Komanda ushtarake amerikane për rajonin, CENTCOM, tha se raundi i saj i fundit i sulmeve kishte gjithashtu qëllim “të degradonin aftësinë e Iranit për të kërcënuar anijet tregtare në Ngushticën e Hormuzit”, por Garda Revolucionare e Iranit tha se katër anije që u përpoqën të kalonin Ngushticën e Hormuzit pa lejen e tyre u ndaluan.