Shtetet e Bashkuara të Amerikës nisën një valë të re sulmesh ajrore ndaj objektivave iraniane përreth Ngushticës së Hormuzit. Sipas raportimeve nga mediet ndërkombëtare, shpërthime janë dëgjuar në tre portet më të rëndësishme pranë Hormuzit, në ishullin Qeshm në ngushticë dhe në disa zona në juglindje të Iranit. Presidenti amerikan, Donald Trump, paralajmëroi goditje edhe më të fortë, nëse Irani kundërpërgjigjet. “Shtetet e Bashkuara po godasin objektiva iraniane pranë Ngushticës së Hormuzit. Sulmet janë të mëdha dhe të fuqishme, dhe në shenjë hakmarrjeje për përpjekjen e dështuar të iranianëve për të shtuar mina detare në Ngushticë, e cila aktualisht nuk ka mina. Nëse Irani hakmerret, do të goditet përsëri në një nivel shumë më të fortë dhe më të lartë, dhe, kur të mbarojë, do të ketë shumë pak të mbetur nga Republika Islamike e Iranit!”