Në një reagim zyrtar nga SHBA bëhet me dije se ish-kryeministri Sali Berisha dhe familja e tij janë shpallur ‘non grata’ nga SHBA. Sekretari i Shtetit Amerikan, Antony Blinken thotë se ai përcakton publikisht se Berisha dhe familja e tij janë të papërshtatshëm për të hyrë në SHBA. Ai thotë se veprimet e Berishës minuan demokracinë. Blinken sqaron se Berisha, sidomos në kohën si kryeminisër, ishte i përfshirë në veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij nga shpërdorimi i besimit të publikut shqiptar në institucionet e tyre qeveritare dhe zyrtarët publikë. Deklarata e plotë e Blinken Sot, unë jam duke shpallur emërimin publik të Sali Berishës si nongrata , një ish-President i Shqipërisë, ish-Kryeministër i Shqipërisë dhe ish-deputet i Parlamentit të Shqipërisë, për shkak të përfshirjes së tij në korrupsion të rëndësishëm.