Dymbëdhjetë persona humbën jetën pasi një aeroplan që transportonte parashutistë u rrëzua menjëherë pas ngritjes. Autoritetet konfirmuan se 11 parashutistë dhe piloti ishin midis të vdekurve. Aksidenti ndodhi pranë Aeroportit Butler Memorial, rreth 95 kilometra në jug të Kansas City, tha Dennis Jacobs, drejtor i Agjencisë së Menaxhimit të Emergjencave të Qarkut Bates. Aeroplani privat, që mbante 11 parashutistë dhe një pilot, u kthye për një arsye të panjohur pasi u ngrit rreth orës 11:30 të mëngjesit me orën locale dhe u rrëzua pranë një autostrade, duke bërë që autoritetet të mbyllnin rrugën. Imazhet televizive treguan mbeturina të djegura në një fushë pranë autostradës. Nuk dihet edne se kujt i përkiste aeroplani apo emrin e kompanisë apo organizatës së përfshirë të hedhjes me parashutë. Bordi Kombëtar i Sigurisë së Transportit dhe Administrata Federale e Aviacionit raportohet të ketë nisur një hetim për rastin.