Mediat amerikane njoftojnë se president ii SHBA-së, Joe Biden po planifikon të dërgojë në Ukrainë raketa me rreze të gjatë, për të kundërofensivën e Kievit kundër ushtrisë ruse. Zyrtarë në dijeni të cështjes pohojnë se Ukraina do të marrë disa raketa ATACMS me rreze deri në 300 kilometra, cka do t`i mundësontë Kievit sulmin në shënjestrat ruse në zona shumë më të thella sesa linja e frontit. Të paktën një raketë ukrainase e ka goditur flotën e Rusisë në Detin e Zi të premten në Krime, gadishulli i aneksuar nga Moska më 2014. Një burim brenda ushtrisë ukrainase i rrëfeu transmetuesit britanik BBC se sulmi në portin në Sevastopol është kryer duke përdorur raketa Storm Shadoë, të cilat janë dërguar në Ukrainë nga Britania dhe Franca, duke nxjerrë në pah rëndësinë e armatimit perëndimor në këtë luftë. Asnjëri prej liderëve megjithatë nuk i ka konfirmuar të tilla raportime. Zyrtarisht dihet vetëm që javën e ardhshme mbërrijnë në Kiev tanket e reja Abrams. Administrata Biden hezitoi në fillimet eluftës ta furnizonte Ukrainën me armë modern, por qëndrimi i saj ka ndryshuar me kalimin e kohës, e tani Kievi është pajisur me sisteme raketore të avancuara Himars, dhe sistem raketor për mbrojtje ajrore Patriot.