“SHBA nuk do luftë me Iranin”. Sekretari Kirby: Sulmi me dron do marrë përgjigje Shtetet e Bashkuara nuk duan luftë me Iranin, por duhet t'i përgjigjen sulmit me dron në bazën e tyre ushtarake në Jordani nga i cili mbetën të vrarë tre ushtarë amerikanë, u tha gazetarëve zëdhënësi i Këshillit të Sigurisë Kombëtare, John Kirby. Po ashtu edhe Presidenti Joe Biden tha se Uashingtoni do t’i përgjigjej vrasjes së tre ushtarëve amerikanë në një bazë në Jordani pa dhënë detaje mbi këtë çështje. Sipas Pentagonit, pas sulmit qëndrojnë grupet e mbështetura nga Irani. Ngjarja ndodhi në fundjavë në një bazë amerikane pranë kufirit Jordani-Siri. Teherani ka hedhur poshtë akuzat se ka nxitur sulmin. Forcat amerikane janë sulmuar më shumë se 150 herë nga grupet e mbështetura nga Irani, në Irak dhe Siri, që nga tetori kur militantët palestinezë kryen sulmin terrorist në pjesën jugore të Izraelit. Pamjet: AFP