Për shkak të bllokadës së krijuar në kongres nga ana e republikanëve, pentagoni njoftoi se nuk ka më fonde për Ukrainën. në pamundësi për të vijuar mbështetjen me municion e raketa, SHBA po pret nga vendet aleate që të vijojnë të ndihmojnë trupat ukrainase në luftën kundër rusisë. Në daljen e parë publike, sekretari Austin, I cili ndodhet në spital, kërkoi që të vijojë mbështetja për Kievin pavarësisht këtij ngërçi momental të krijuar. Ndërkohë nga ana tjetër këtë të martë, sekretari i Përgjithshëm i NATO-s Jens Stoltenberg njoftoi për një kontratë të re të përbashkët në vlerë prej 1.2 miliardë dollarësh për të blerë mbi 222,000 predha municioni 155 milimetërshe. Ndërkohë rusia nga ana tjetër vijoi sulmet në dy qytetet më të mëdha të Ukrainës duke lëshuar më shumë se 40 raketa. Mbrojtja ajrore ukainase mundi të ndalë të paktën 21 raketa, ndërsa nga shpërthimet e tjera u lënduan rreth 20 persona në lagjet të ndryshme të Kievit.