Shtetet e Bashkuara kanë mposhtur Rusinë në zgjedhjet për të kontrolluar një organ të Kombeve të Bashkuara përgjegjës për zhvillmin dhe kontrollin global tw internetit, një garë e parë si simbolike e me rëndësi të madhe gjeopolitike mes tensioneve në rritje SHBA-Rusi dhe si një përgjigje ndaj frikës së rritjes së censurës në internet nga regjimet autoritare. Të enjten, anëtarët e Unionit Ndërkombëtar të Telekomunikacionit votuan për të emëruar Doreen Bogdan-Martin, kandidaten e mbështetur nga SHBA, si sekretare të përgjithshme të grupit. Bogdan-Martin, e lindur në Nju Xhersi, mundi rivalin e saj kryesor Rashid Ismailov duke fituar 139 vota nga 172. Ismailov fitoi vetëm 25 vota. Bogdan-Martin do të jetë gruaja e parë që do të drejtojë ndonjëherë këtë organ të rëndësishëm. Zyrtarët amerikanë kishin bërë një fushatë të madhe në emër të Bogdan-Martinit në prag të votimit, në disa raste duke e përshkruar atë si një pikë kthese për internetin e lirë dhe të hapur – parime që po sfidohen gjithnjë e më shumë nga Rusia dhe Kina , vende të cilat kufizojnë liritë dixhitale të qytetarëve të tyre. Javën e kaluar, presidenti Joe Biden u kërkoi vendeve anëtare të OKB-së të mbështesin Bogdan-Martin, duke argumentuar se udhëheqja e saj e do të ndihmojë që interneti të jetë "përfshirës dhe i aksesueshëm për të gjithë, veçanërisht në një botë gjithnjë e në zhvillim. Një fitore për Rusinë, kishin thënë ekspertët do të nënkuptonte konsolidimin e pushtetit, nën qeveritë individualisht ,për të vendosur rregulla dhe standarde për teknologjinë e komunikimit duke filluar nga telefonat celularë te satelitët dhe interneti brenda kufijve të tyre.