Senati amerikan nuk e miratoi emrin e David J. Kostelancik si ambasador I SHBA-ve në Shqipëri. Emri I diplomatit u kthye mbrapsht së bashku me dhjetëra të emëruar të tjerë në postet diplomatike. Kjo pasi senati, gjatë sesionit që u mbyll në fund të vitit të kaluar nuk e futi në rend dite votimin për emërimin e tyre. Shkak për bllokimin, sipas zërit të Amerikës, u bënë disa senatorë republikanë. Kështu emri i diplomati të karrierës, Kostelancik, do t’I rikthhet edhe njëherë Presidentit Joe Biden. Sipas ligjit amerikan, nëse një emërim kthehet, kreu I shtetit ka të drejtë të paraqesë një emërim të ri për të njëjtin kandidat, ose për një kandidat të ri. Por kësaj here, emrat nuk janë rrëzuar nga Senati dhe as konfirmuar. Mbetet për t’u parë nëse Shtëpia e bardhë do të paraqesë edhe njëherë emrin e David J. Kostelancik si dhe të diplomatëve të tjerë apo do t’I zëvendësojë ata. Procesi edhe kësaj here për kandidaturat pritet të jetë I njëjtë. Ata do të shqyrtohen nga komisioni përkatës dhe do të jetë ky I fundit nëse do t’I thërrasë për të dëshmuar sërish apo jo. Vendimi I senatorëve republikan, solli dhe reagimin e deparatametit të shtetit që ngriti alarmin se po rrezikohet siguria kombëtare e shteteve të bashkuara përmes këtyre bllokimeve të emërimeve. Kostelancik, u emërua për postin e Ambasadorit të Shteteve të Bashkuara në Shqipëri në janar të vitit të kaluar. Në muajin prill, Komisioni votoi pro konfirmimit të tij, por votimi i plotë i Senatit nuk u bë.