Shtetet e Bashkuara të Amerikës dhe Vietnami arritën një marrëveshje për të thelluar marrëdhëniet dhe bashkëpunimin në furnizimet strategjike përballë konkurrencës në rritje nga Kina. Presidenti amerikan Joe Biden pohoi se dy vendet tashmë kanë mundësi të ndikojnë tek e ardhmja e Indo-Paqësorit në dekadat e ardhshme. Marrëveshja e arritur u përshëndet edhe nga lideri I partisë komuniste, Nguyen Phu Trong I cili tha se vendi i tij do të punojë shumë në këtë drejtim. Ai falenderoi gjitahstu presidentin Biden për ftesën e tij për të vizituar Uashingtonin së shpejti. Në këtë takim u njoftua gjithashtu se Vietnami i ngriti marrëdhëniet me Shtetet e Bashkuara në nivelin e partneritetit strategjik. Mes vendeve të tjera që Vietnami synon të njëjtin nivel marrëdhëniesh janë Kina dhe Rusia. Mes ngadalësimit ekonomik të Kinës dhe konsolidimit të pushtetit politik të Presidentit Xi Jinping, Presidenti Biden po shqyrton mundësitë për të afruar më shumë vende me Amerikën, përfshirë Vietnamin dhe Kamboxhian. Tregtia mes Shteteve të Bashkuara dhe Vietnamit është rritur që nga viti 2019. Por përparimi i mëtejshëm ka kufizime që lidhen me nevojën e përmirësimeve në infrastrukturën e Vietnamit, aftësive të punëtorëve dhe qeverisjes së tij.