Shtetet e Bashkuara të Amerikës vijojnë përpjekjet për të kontrolluar eksportet e naftës venezueliane, pas operacionit të forcave të ushtrisë, që u finalizua me kapjen e presidentit Nicolas Maduro dhe bashkëshortes së tij. Këtë të premte, forcat amerikane kanë sekuestruar cisternën e pestë me naftë në Detin e Karaibeve. "Edhe një herë, forcat tona të përbashkëta dërguan një mesazh të qartë: 'nuk ka strehë të sigurt për kriminelët'," tha Komanda Jugore e SHBA-së. Cisterna e naftës “Olina” u kap nga marnisat amerikanë në koordinim me Departamentin e Sigurisë Kombëtare. Sipas sekretares së Sigurisë Kombëtare, Kristi Noem, kjo ishte një tjetër cisternë “fantazmë”, që ishte nisur nga Venezuela, duke u përpjekur të shmangte forcat amerikane. Autoritetet në SHBA publikuar dhe pamjet në det, në momentin kur trupat amerikane zbresin nga helikopteri në anijen cisternë, të cilën e sekuestrojnë. Cisterna “Olina” është në listat e sanksioneve të shumë vendeve dhe anija e pestë që është sekuestruar nga SHBA-të në javët e fundit. Presidenti Donald Trump është shprehur se Venezuela - e cila ka rezervat më të mëdha të naftës në botë - "do t'i japë" SHBA-së deri në 50 milionë fuçi naftë me vlerë rreth 2.8 miliardë dollarë.