Washingtoni i kërkoi llogari Izraelit për sulmin ajror të ndërmarrë prej tij që la të paktën 45 palestinezë të vrarë dhe rreth 200 të plagosur që kampin e refugjatëve në këtë qytet. “Ato imazhe ishin zemërthyese”, u tha gazetarëve zëdhënësi i Departamentit të Shtetit, Mattheë Miller. Teksa Izraeli ka të drejtë të luftojë Hamasin, ka po ashtu nga ana tjetër detyrimin të bëjë gjithçka është e mundur për të minimizuar dëmtimin e civilëve gjatë operacioneve të tij. Megjithatë, ndryshim të politikës së SHBA-së ndaj shtetit hebre, nuk ka. Këshilltari për siguri kombëtare i Shtëpisë së Bardhë, John Kirby, u tha gazetarëve se Izraeli nuk ka shkelur “vijën e kuqe” të presidentit Joe Biden, për ndalimin e armëve sulmuese në të ardhmen, sepse sipas SHBA-së, ai nuk do të nisë një pushtim tokësor në shkallë të plotë në qytetin jugor të Gazës.