Vjen kufizimi më i fundit nga administrata Trump për gazetarët. Bëhet fjalë për kufizime të reja sipas Reuters, me të cilat do të përbalen gazetaret brenda ndërtesës së Pentagonit. Sipas, sekretarit Amerikan të Mbrojtjes, Pete Hegseth, gazetarët duhet të shoqërohen nga zyrtarë të autorizuar brenda pjesës më të madhe të ndërtesës. Masat, ua ndalojnë reporterëve të pajisur me leje hyrjeje të hyjnë në shumicën e hapësirave të selisë së Departamentit të Mbrojtjes "Ndërsa Departamenti mbetet i përkushtuar ndaj transparencës, ai ka po ashtu detyrimin të mbrojë informacionin e inteligjencës së klasifikuar dhe të dhënat e ndjeshme, zbulimi i paautorizuar i të cilave mund të rrezikojë jetën e pjesëtarëve të forcave amerikane," tha Hegseth në një deklaratë. Shoqata e Shtypit të Pentagonit, një organizatë që përfaqëson interesat e gazetarëve që mbulojnë ushtrinë amerikane, tha se rregullat e reja duket se janë një "sulm i drejtpërdrejtë ndaj lirisë së shtypit." Që kur Presidenti Donald Trump u rikthye në detyrë në janar, Pentagoni ka nisur një hetim mbi rrjedhjet e informacionit, që ka çuar në pezullimin administrativ të tre zyrtarëve. Gjithashtu, ka kërkuar që mediat tradicionale, përfshirë Neë York Times, Ëashington Post, CNN dhe NBC Neës, të lirojnë zyrat e tyre në Pentagon, si pjesë e një sistemi të ri rotacioni që ka përfshirë media të tjera, zakonisht më të afërta me administratën Trump. Administrata Trump thotë se ky hap ka për qëllim t’u japë mundësi mediave të tjera të raportojnë si anëtarë rezidentë të shtypit në Pentagon.