Shtetet e Bashkuara e paralajmëruan Rusinë se do të ketë pasoja, nëse lideri opozitar, Aleksei Navalny, vdes në burg, ashtu sic paralajmeruan një ditë më parë mjekët që po e trajtojnë.“ nëse kjo ndodh vërtet, Rusia do të konsiderohet përgjegjëse nga bashkësia ndërkombëtare”, deklaroi këshilltari amerikane për sigurinë kombëtare, Jake Sullivan. BE-ja, Britani, Franca e Gjermania po ashtu janë tejet të shqetësuara nga pohimet se po nuk mori urgjent kujdesin e nevojshëm shëndetësor, Navalny mund të vdesë brenda disa ditësh. Kritiku i Kremlinit hyri në grevë urie në 31 mars pasi iu ndalua që të takonte ekipin e vet mjekësor. Mjekët e tij thonë se analizat e fundit të gjakut tregojnë se Navalny mund të pësojë dështim të veshkave apo atak kardiak në çdo moment. Por ambasadori rus në Mbretërinë e Bashkuar tha se Navalny kërkon vëmendje dhe se ai “nuk do të lejohet të vdesë në burg”. 44 vjecari u dënua në muajin shkurt mbi bazën e disa akuzave të vjetra për përvetësim fondesh. Aletatët e tij njoftuan një ditë më parë se po organizojnë ato që pritet të jenë protestat më të mëdha në historinë moderne të Rusisë.