Zgjerimi i marrëdhënieve diplomatike mes kryeministrit hungarez Viktor Orban dhe presidentit rus, Vladimir Putin kanë rritur shqetësimin tek Shtetet e Bashkuara të Amerikës. Ambasadori amerikan në Hungari paralajmëroi Budapestin që të bëj kujdes pasi si vend aleat I NATO nuk mund të injorojë dhe të minojë besimin, e miqësinë të aleancës. Deklaratat diplomati I bëri gjatë fjalimit të tij në 25-vjetorin e anëtarësimit të Hungarisë në NATO. “Ne nuk mund ta kuptojmë e as ta pranojmë që kryeministri e identifikon SHBA-në si ‘kundërshtaren kryesore’ të Hungarisë”, tha ai ndërsa shtoi se nëse Orban do të vijojë politikat me Kremlinin atëherë SHBA do të vendosë që të mbrojë interesat e saj të sigurisë dhe të aleatëve. Një qëndrim ky që la të hapur dhe mundësinë e përjashtimit të Hungarisë nga NATO. Qëndrimet e Budapestit për ndaljen e dërgimit të ndihmave ushtarake në Ukrainë, ambasadori Pressman I cilësoi si të papranueshme. “Edhe SHBA-ja do paqe. Ne duam që kjo luftë të përfundojë. Por, propozimi hungarez nuk përkon me realitetin”, nënvizoi diplomati gjatë fjalës së mbajtur. Ai tha se SHBA-ja kërkon dialog me Qeverinë hungareze dhe dëshiron raporte të bazuara “në vlera demokratike, sigurinë e përbashkët dhe prosperitetin”. Krahas SHBA-së edhe qeveritë e tjera perëndimore kanë shprehur pakënaqësi lidhur me raportet e ngishta të Orban me Moskën, pavarësisht situatës në Ukrainë. Pamjet: AFP