Masakra në një sallë koncertesh në Moskë po rrit tensionet botërore, pas deklaratës së shërbimeve të inteligjencës ruse se Ukraina, së bashku me Shtetet e Bashkuara dhe Britaninë, ishin përfshirë në sulmin terrorist që ka shkaktuar 140 viktima dhe qindra të plagosur. Një tjetër deklaratë që rriti tensionet ishte edhe ajo e presidentit francez Emmanuel Macron që u shpreh se dërgimi i trupave perëndimore në Ukrainë “nuk mund të përjashtohet”. Përmes një reagimi të zëdhënësit të Departamentit të Shtetit, Mattheë Miller, Uashingtoni u distancua nga deklarata e presidentit francez. “Çdo vend është i lirë të flasë për interesin e vet, tha Miller, duke shtuar se Presidenti amerikan Joe Biden e bëri të qartë se Shtetet e Bashkuara të Amerikës nuk do të dërgojnë trupa për të luftuar në Ukrainë. Po ashtu Miller theksoi se edhe sekretari i përgjithshëm i NATO-s ka përjashtuar çdo mundësi që trupat e NATO-s të luftojë në Ukrainë. Drejt Parisit pritet të udhëtojë javën që vjen edhe Sekretari amerikan i Shtetit, Antony Blinken, për të diskutuar rreth mbështetjes për Ukrainën por edhe luftën në Gaza. Blinken do të takohet me Emmanuel Macron, presidentin e Francës që është një nga furnizuesit më të mëdha ushtarake të Ukrainës. Pamjet: AFP