Një paketë e re sanksionesh kundër rusise pritet të njoftohet të pretmen nga Shtetet e Bashkuara të Amerikës, tha presidenti Joe Biden. Masat e reja do të aplikohen si një përgjigje ndaj vdekjes së udhëheqësit të opozitës Alexei Navalny. Deri më tani autoritetet amerikane nuk kanë bërë të ditur detaje se çfarë sanskionesh do të vendosin ndaj Moskës. zëdhënësi i Këshillit të Sigurisë Kombëtare të Shtëpisë së Bardhë, John Kirby më herët tha se masat do të përkojnë me dy vjetorin e agresionit rus ndaj Ukrainës, ndërsa këmbënguli se përgjegjës për vdekjen e Navalnyt është Putin. “Pavarësisht nga përgjigja shkencore, përgjegjës për këtë është Putini”, u tha gazetarëve ai ndërsa shtoi se ambasada e SHBA-së në Moskë ka kërkuar më shumë informacion për këtë çështje. Edhe pse ende nuk dihen masat, ekspertët kërkojnë nga qeveria amerikane që Rusisë t’I shterojnë fondet monetare të depozituara në Europë si dhe të vendosin sanksioneve dhe më të rënda mbi tregun energjitik rus. Pamjet: AFP