Situata në Lindjen e Mesme ka kaluar në një fazë të re të përplasjeve ushtarake në det. Ushtria e Shteteve të Bashkuara të Amerikës njoftoi se ka goditur dhe shkatërruar plotësisht tre anije cisternash nafte të lidhura me Trupat e Gardës Revolucionare Islamike të Iranit. Ky operacion erdhi si një përgjigje ndaj sulmeve të dështuara iraniane me raketa dhe dronë kundër anijeve luftarake amerikane që patrullojnë në rajon. Sipas deklaratës zyrtare të Komandës Qendrore CENTCOM, forcat amerikane shkatërruan transportuesit e naftës bruto "M/T Doëny" pranë brigjeve të ishullit Kharg dhe "M/T Stark 1" pranë zonës së Jask. Gjithashtu, një sulm tjetër la të paoperueshëm në Gjirin e Omanit super-tankerin tjetër "M/T Kylo", i cili u godit pasi ekuipazhi u urdhërua të braktiste tankerin. Pamjet e publikuara nga Pentagoni treguan shpërthimin e zjarrit pas goditjeve dhe tymin e zi që përhapej në hapësirën detare.