Të paktën 35 persona u arrestuan pas një proteste kundër një objekti të ri trajnimi policor në Atlanta, ku protestuesit hodhën boba molotov dhe tulla ndaj oficerëve. Sipas policisë, "protestuesit e dhunshëm" filluan një sulm të koordinuar kundër oficerëve dhe dogjën pajisjet e ndërtimit në "Qytetin e Policëve". Qendra, e ndërtuar në 85 hektarë tokë pyjore në kontenë DeKalb, ka qenë një objektiv i kundërshtimit të ashpër që kur zyrtarët e zbuluan në vitin 2021. "Kjo nuk kishte të bënte me një qendër trajnimi për sigurinë publike, por kishte të bënte me anarkinë dhe kjo kishte të bënte me përpjekjen për të destabilizuar," tha shefi i policisë së Atlantës, gjatë një konference për shtyp. Videoja e sigurisë nga një pikë hyrëse e objektit tregoi njerëz të veshur me të zeza duke u mbledhur pas një gardh dhe duke hedhur gurë dhe pajisje shpërthyese drejt policisë që po përpiqej të mbyllte portën. shefi i policisw tha se departamenti ishte me fat që asnjë oficer nuk u lëndua në incident. "Kjo nuk është një protestë. Ky është aktivitet kriminal." shtoi ai Objekti ka qenë në qendër të protestave të shumta nga kundërshtarët që kanë frikë nga dëmtimi i mjedisit dhe gjithashtu thonë se qendra do të përkeqësonte marrëdhëniet midis policisë dhe komuniteteve me ngjyrë. Pamjet: AFP